ایک نیوز: بانی پی ٹی آئی سے پارٹی رہنماؤں کو ملاقات کی اجازت نہ مل سکی، ملاقات نہ ہونے پر پارٹی رہنما اڈیالہ جیل سے واپس روانہ ہو گئے۔

  تفصیلات کے مطابق عمر ایوب، شبلی فراز، عالیہ حمزہ، نیاز اللہ نیازی اور مبشر اعوان ملاقات کے لیے پہنچے تھے ،پارٹی  رہنما اڈیالہ جیل کے باہر 4 گھنٹے تک انتظار کرتے رہے ،ملاقات نہ ہونے پر پارٹی رہنما اڈیالہ جیل سے واپس روانہ ہو گئے۔

پارٹی رہنماؤں  کا کہنا تھا کہ  عدالتی احکامات پر اڈیالہ جیل ملاقات کے لیے آئے تھے، جیل انتظامیہ نے عدالتی احکامات کے باوجود ملاقات نہیں کروائی، احکامات کی خلاف ورزی پر اسلام آباد ہائی کورٹ میں توہین عدالت کی درخواست دائر کی ہے،سلمان اکرم راجہ نے ملاقات کرنے والوں کے نام جیل انتظامیہ کو فراہم  کیے  تھے۔